المانهوا هذي حرفيًا أسطورية من كل ناحية القصة مش بس حماس، لا فيها عمق وترابط تحس إن الكاتب عارف وش يبي من أول شابتر، وكل حدث يخدم اللي بعده ومافيه تمطيط أو لخبطة الرسم بعد رهيب، التفاصيل متقنة من تعابير الوجيه للحركات والخلفيات تحسك فعلاً داخل عالمهم
الشخصيات مكتوبة بعناية وكل واحد له دافع وشخصية واضحة ما تحس أحد منهم مكرر أو زايد على الفاضي وكل شابتر يبين لك جانب جديد منهم
لكن اللي فعلًا يرفع مستوى العمل هو النصوص الكاتب متعوب عليه حرفيًا، كل جملة وراها فكرة أو إحساس، والشي الجميل إن كل ما تقدّمت في القصة، تبدأ تستوعب معاني الجمل اللي قريتها من قبل تحس الكلام ما كان عادي، كل كلمة لها وزن ومعنى ما يطلع إلا بعدين، كأنك ترجع تقرأ الكلام القديم بنظرة مختلفة
باختصار، العمل هذا ما ينفع تقراه وانت بس تدور أكشن لا، هو تجربة متكاملة تجمع بين القصة، الرسم، الشخصيات، والنصوص الذكية مانهوا نادرة، وتستحق كل لحظة تنقضي عليها. من الاخر أسطوريه والترجمه برضو أسطوريه كانك قاريها من النص الأصلي انصح فيها وبشده